Assamese Poetry

-উপহাৰ- 

মোৰ চকুৰ দৃষ্টিৰে
এবাৰ চাই চা জীৱনৰ ৰং

দুখবোৰ আঠা লগা দি লাগি আছে
প্ৰতিজন পথচাৰীৰ চকুৰ গুৰিত
হুমুনিয়াহ লুকাই আছে
যেনেকৈ লুকায় আঁউসীত জোন
প্ৰতিটো বাঁহীৰ মায়াসনা সুৰৰ আঁৰত

দুখবোৰ পাওনা কৰি
কিস্তি কিস্তিকৈ
কিনিবি এদিন তইও
হালিজালি বাৰিষাৰ নিৰিবিলি ৰামধেনু
ভালপোৱাৰ ফাগুন, নৈপৰীয়া সন্ধিয়া

অংকুৰ- Assamese poem

অংকুৰ 

বহাগেও উচুপে

শেষ হৈ যাব বিচাৰোঁ
আঁতৰি যাব খোজোঁ দূৰ বহুদূৰ
তাৰ আগতে কথা পাতিব খোজোঁ 
কাৰোবাৰ সতে
এটা পূৰা দিন
পুৱাৰ পৰা গধূলিলৈ 
উমানন্দ, বশিষ্ঠ সোণাপুৰ 
পেপছি পিজ্জা ম’ম’ ঘৰ
যিমানকণ বাকী আছেগৈ উশাহ
তাৰে তোক ৰুই দি যাম 
এজুপি জীয়া গছ
শীত আহিলে গছজুপি নাঙঠ হ’ব
উচুপিব ওৰে ৰাতি
ত‍ই সাৱটি ধৰিবিচোন
মোৰে কথা এবাৰ ভাবি ... 

শান্তনু চাংমাইৰ কথাকবিতাৰ Blog

Santanu Changmai ৰ কেইটিমান কথাকবিতা: -

Assamese Kothakobita কথাকবিতা

ভালপোৱা

এইয়াই চাগে ভালপোৱা

কেতিয়াবা দূৰৈত চিকমিকাই থকা এক তৰাৰ জোনাক চুই চোৱাৰ হাবিয়াস
কেতিয়াবা ওচৰতে তিৰবিৰাই থকা ঢিমিক ঢামাক এক জোনাকী পৰুৱাৰ উল্লাস
এইয়াই চাগে ভালপোৱা
নতুনকৈ গজালি মেলিবলৈ লোৱা এক কুমলীয়া অচিন, অজানা পুলক
মৰীচিকা মৰীচিকা যেন লগা কিছু সময়ৰ লেহেমীয়া যাত্ৰা
এইয়াই চাগে ভালপোৱা
টগবগাই ঢপলিয়াই যোৱা যুজাঁৰু ঘোঁৰাৰ দুৰ্বাৰ গতি
হঠাতে লাজৰ ফুলৰ পাপৰি ছিটিকি পৰি চকুৰ মণিত যে বিৰিঙে লাজৰ আভা

____________

২২/০৪/২০১৩

পখী

Pokhi

প্ৰণয় (কবিতা)/ Assamese Poetry

Assamese Poetry