মহাপাপীৰ সপোনবোৰ

অসমীয়া কবিতা

........

আজিও যে লৈ ফুৰোঁ জেপতে
ত‍ই দিয়া একমাত্ৰ প্ৰেমৰ চিঠিখন …
উঁৱলি যোৱা চিঠিখনত লাগি আছে
তোৰ উঁৱলি যোৱা কলিজাটোতকৈ 
অধিক উমাল শবদৰ মৰম
ছয়ফুট গভীৰ কবৰত 
পুতি আহিলি নেকি 
তোৰ বুকুৰ মৰমবোৰ
ইমান আৰ্তনাদ কৰে মোৰ আত্মাই
তথাপি দেখোন তোৰ কাণসাৰেই নাই

বহাগেও উচুপে

শেষ হৈ যাব বিচাৰোঁ
আঁতৰি যাব খোজোঁ দূৰ বহুদূৰ
তাৰ আগতে কথা পাতিব খোজোঁ 
কাৰোবাৰ সতে
এটা পূৰা দিন
পুৱাৰ পৰা গধূলিলৈ 
উমানন্দ, বশিষ্ঠ সোণাপুৰ 
পেপছি পিজ্জা ম’ম’ ঘৰ
যিমানকণ বাকী আছেগৈ উশাহ
তাৰে তোক ৰুই দি যাম 
এজুপি জীয়া গছ
শীত আহিলে গছজুপি নাঙঠ হ’ব
উচুপিব ওৰে ৰাতি
ত‍ই সাৱটি ধৰিবিচোন
মোৰে কথা এবাৰ ভাবি ... 

শান্তনু চাংমাইৰ কথাকবিতাৰ Blog

Santanu Changmai ৰ কেইটিমান কথাকবিতা: -

Assamese Kothakobita কথাকবিতা

কাগজৰ থুনুকা ফুলবোৰ (কবিতা)