এটি এটিকৈ সুৰ বগাই বগাই তাই ৰামধেনুখন আঁকি দিলে কোঁৱৰৰ বুকুত|
ৰামধেনুৰ ৰঙেৰে ৰঙিয়াল, তাইৰ সুৰেৰে ৰাগিয়াল হৈ কোঁৱৰে ক’লে: "আ-হা! আঁহা না আমি পলাই যাওঁ সেই পাহাৰৰ সিপাৰে নেদেখা কোনো দেশলৈ| ৰাজমুকুট পৰিহাৰ কৰি জীয়াই থাকিম এক সাধাৰণ মানুহৰ দৰে| তোমাৰ সুৰ, মোৰ কলিজাৰ ৰং... আমি আঁকিম এখন নেদেখা চিত্ৰ|"
মনোমোহা গীত গাই গাই তাই ৰাজকোঁৱৰক শুৱাই দিলে| একেথৰে চাই ৰ’ল কিছু পৰ| কঁকালৰ খোঁচনিৰ পৰা শাণিত অস্ত্ৰ এপাত উলিয়াই বহুৱাই দিলে তেওঁৰ বুকুত|
কোঁৱৰৰ কলিজা ফালি ৰং উলিয়াই তাই গুচি গ’ল সুৰৰ পাহাৰ বগাই...|
-------------------------
assamese poetry, Assamese poem, Best Indian Jokes
